A mostra bibliográfica "Samonios do Samaín" está relacionada coa festividade celta que tradicionalmente recupera e celebra o culto aos mortos dende hai miles de anos. Fíxose unha selección de documentos onde vampiros, bruxas, mortos viventes e cabazas son os protagonistas das historias de ultratumba e dan forma e conviven coa estación outonal.

A finalidade é achegar, recrear e recuperar unha celebración antiquísima pagá que ten un peso considerable na nosa idiosincracia e na tradición galega, onde o recordo e culto aos mortos cobra un peso importante. Ademais trátase dunha temática de especial interese para o público infantil e preadolescente.

Vai dirixida ao público infantil de entre 3 e 14 anos. Para iso formularanse dúas mostras en espazos diferenciados e con contidos idóneos para cada grupo de idade.

Todas as persoas interesadas poden consultar a nosa guía de lectura sobre o Samaín.