Presenta: Nora Candanedo. Coa colaboración do humorista: Tito Valcarce.

TRÍO ACORDEONIA

Trío de acordeóns formado no seo da Asociación, por Luis Correa, Beatriz Deus e Polo Pérez.

• Pequena Montañesa (popular tirolesa)
• Ondas do Danubio (Yvanovich – Arr. M. Mascarenhas)

SONS DO MENDO

Sons do Mendo é un dúo formado por dous grandes mestres no seu instrumento: Sabela Caamaño, gran virtuosa do acordeón a pesar da súa mocidade e Xoán Carlos Rilo, gaiteiro de recoñecido prestixio. Este grupo, que interpreta tanto melodías tradicionais como de autor, mostra o resultado da conxunción sonora do timbre da gaita cos rexistros harmónicos e rítmicos do acordeón. Un proxecto que busca unha visión moderna e rica da nosa música tradicional.

• Aires asturianos (tradicionais)
• Pasodobre do Agoeiro/ Pasodobre dos Dezas (Xosé Ramón Rilo / tradicional)
• Xota da Fontaneira / Xota de Forcarei (tradicionais)
• Muiñeira de Cuenca (tradicional)
• Lantzeko Ihauteria (tradicional vasca)

GRUPO DE ACORDEÓNS DA ASOCIACIÓN

Este grupo está formado por membros da Asociación que leva o seu nome. O grupo na súa actual formación ten cinco anos de existencia e actuou nas habituais "Xuntanzas de Nadal", nos "Festivais de Acordeóns" e en varios centros cívicos. Está dirixido por Luis Correa, actual presidente da asociación. A súa principal característica é que todos os seus compoñentes aprenderon a tocar o acordeón despois dos cincuenta anos.

• Amor Rianxeiro (popular)
• Mazurca dos Areeiras (tradicional)
• Serenata de Acordeóns (J. A. Massía)
• A bela Lola (popular)
• O Morellano (P. Rodríguez Puga)

GRUPO DE ACORDEÓNS DA ESCOLA MUSICAL "BIEITO BLANCO" (OURENSE)

A ESMU Bieito Blanco fundada en 1996 polo seu actual director Bieito Blanco, foi a primeira escola de música recoñecida pola Xunta de Galicia en Ourense. Este grupo de acordeóns veñen actuando xuntos dende hai tres anos e as súas actuacións son sempre en eventos sen ánimo de lucro. Adoita ser un grupo de 9 acordeonistas, aínda que en eventos especiais únenselles os aumnos máis noveis para formar unha pequena orquestra de 22 membros.

• Vals Doglio
• Salió de jamaica
• Añoranza
• De colores
• Francisco Alegre
• Encantos de Cuenca
• Uma casa portuguesa
• Martinica