Imparte: Lucía Cuevas (psicóloga e psicoterapeuta clínica).

“O crecemento é un camiño con momentos amables e dolorosos, sen momentos de frustración ou ausencia o pensamento non existe”.

Intentaranse aclarar conceptos básicos para comprender a maduración e o crecemento, xa que en moitas ocasións estes termos resultan imprecisos e abstractos: identidade, vínculo, autoestima, medos, capacidade reflexiva, empatía, competencia social, apego, tolerancia á frustración, patoloxía, saúde, causas ambientais, factores xenéticos, resiliencia…

Para identificar con maior rigor os conceptos, visualizaranse, a modo de exemplo, unha serie de vídeos e curtametraxes que permiten asentar as bases do un modelo educativo baseado no vínculo entre pais/nais e fillos. Un modelo que teña en consideración as etapas propias de desenvolvemento e descanse sobre os piares que cimentan a seguridade persoal e a saúde mental.

Ao finalizar a sesión entregarase material (publicación) que poida ilustrar e/ou completar os aspectos abordados na aula.

Cada sesión de “Escola de pais” progresa apoiándose nos aspectos abordados anteriormente, por ese motivo, recoméndase continuidade na asistencia.

Contidos:

- Premisas xerais sobre o crecemento emocional infantil.

- Importancia da infancia como reflexo da idade adulta.

- Sufrimento psíquico, abusos e rendemento escolar.

- Fronteiras permeables, cando unha conduta se converte nunha patoloxía. Aprender a diferenciar entre saúde e patoloxía.

- Piares básicos da saúde mental.

- A armadura que nos protexe limítase.

- O eterno debate entre ambiente ou xenética.