Charla de Toni Lodeiro dentro do ciclo de encontros participativos da "biblioteca verde" da Biblioteca Municipal Ágora.
Para público en xeral
19/02/2015, de 19:00 a 20:30
Xa rematou
Entrada libre, ata completar capacidade.
Toni Lodeiro, autor do libro Consumir menos, vivir mejor e redactor da revista Opciones. Consumo y estilos de vida transformadores (http://www.nodo50.org/consumirmenosvivirmejor/?page_ide=141).
Comida, roupa, enerxía, lecer, banca, telefonía... cando intentamos consumir de maneira "diferente" son moitas as preguntas, dificultades e inseguridades que atopamos no camiño. Ofrécese un espazo ameno e participativo para aclarar dúbidas e atopar inspiración con novas propostas.
Dende o mes de xaneiro do 2014 as Bibliotecas Municipais inauguraron unha nova liña de traballo arredor da sostenibilidade, con intención de ofrecer información e recursos sobre natureza, ecoloxía, medio ambiente e desenvolvemento sostible: o Centro de Interese Biblioteca Verde, unha selección de recursos sobre sostenibilidade, ecoloxía e medio ambiente, que pretende espertar o interese e servir de orientación inicial para aproximarnos a estes temas.
Dende entón, nas bibliotecas municipais, existe un espazo no que se pode consultar e levar en préstamo libros, revistas, documentais e películas relacionadas coa sostenibilidade. Tamén che ofrece recursos web e noticias de interese sobre a conservación do medio ambiente, o consumo responsable, a alimentación consciente, a banca ética, as enerxías renovables, a agricultura ecolóxica, a movilidade sostible....
Paralelamente vénse programando un ciclo de encontros participativos, co fin de crear un foro de debate sobre asuntos de actualidade relacionados co medio ambiente e a sostenibilidade.
Os temas que se tratarán durante o primeiro semestre do 2015 son:
Entidades
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible