A Banda Municipal de Música da Coruña e Larraitz Urruzola únense para mesturar no escenario música e monicreques. A suite de Tchaikowsky cobrará vida nas mans de Larraitz Urruzola para contarnos a todos unha marabillosa historia de Nadal.
06/12/2014, de 12:00 a 13:00
Xa rematou
12.00 h
Na noite de Nadal o padriño regálalle á pequena Clara un crebanoces con forma de boneco. De tanto partir noces, o boneco acaba rompendo, e Clara desgústase moito. Para consolala o padriño cóntalle a historia do boneco "Crebanoces", xa que en realidade é un valente personaxe que loitou co seu exército de xoguetes contra a raíña dos ratos.
Dirección: Eduardo R. Cunha "Tatán" e Santi Prego
Dirección da Banda: Jose Luis Represas
Idade recomendada: de 6 a 9 anos.
Os concertos en familia forman parte do ciclo de concertos didácticos, organizados pola Orquestra Sinfónica de Galicia, orientada ao público familiar co obxectivo de achegar os máis pequenos da familia a escoitar música en directo, socializando ao máximo o acceso á música. A programación está deseñada para que público de diversas idades comparta a emoción do encontro artístico que supón un concerto, cada un deles é único e irrepetible.
VENDA DE LOCALIDADES:
As localidades non son numeradas.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible