Cada un dos grupos de conversa do programa está composto por quince persoas, que se anotaron previamente na Biblioteca Ágora. Nalgúns casos, pola demanda existente, é necesario recorrer a sorteos para a selección das persoas que conforman os grupos. A asistencia non é obrigatoria, pero con tres ausencias pérdese o dereito a participar e procédese a avisar as persoas que figuran na lista de reserva.

Ten como obxectivos:

- Reforzar o coñecemento de idiomas a través da práctica semanal en grupos de lectura e conversa conducidos por persoas voluntarias e cuxa lingua nativa ou de formación sexa a do grupo que dinamiza.

- Difundir o fondo específico da biblioteca relacionado con textos literarios e divulgativos en linguas estranxeiras así como os manuais, gramáticas e lecturas graduadas nos distintos idiomas (sección Babel).

Non é unha actividade pensada para a aprendizaxe básica dunha lingua, senón para reforzar e consolidar os coñecementos a partir da súa práctica oral e a través do traballo en grupos de lectura e conversación.

As conversas dos asistentes xirarán arredor de textos literarios, informativos ou ensaísticos en diferentes linguas; e serán coordinadas por un/a voluntario/a nativo/a de cada idioma.

A oferta de grupos de idiomas é a seguinte:

Os luns, italiano.

Os martes, galego.

Os mércores, galego para inmigrantes.

Os xoves, inglés e francés.

Os venres, alemán.