O PROGRAMA DE LECER DE PRIMAVERA 2017 vén cargado de propostas innovadoras con actividades que impulsan a formación con accións culturalmente enriquecedoras utilizando a cidade e todos os recursos que esta nos ofrece. Busca, á súa vez, o incremento da demanda cultural e o coñecemento da oferta da cidade e promove convivencia e a sociabilidad das persoas participantes.

INSCRICIÓN DE CONTINUIDADE:
Os días 9, 10 e 11 de xaneiro na conserxería de cada un dos centros Ágora e Fórum, de 9.00 a 14.00 de 16.00 a 20.00 h. Para formalizar a inscrición, será necesario aboar en efectivo o importe do taller correspondente, ademais de ter asistido a un mínimo do 50% das sesións do outono.

PREINSCRICIÓN:
Os días 12 e 13 de xaneiro, na conserxería de 9.00 a 14.00 e de 16.00 a 20.00 h, ou por vía telemática.
Todas as preinscricións telemáticas que teñan data de envío anterior ou posterior ás 9.00 h do día 12 e que finalizará o día 13 ás 20.00 h non serán tramitadas.
Cada solicitante poderá anotar ata catro talleres na ficha; deberase ter en conta que na adxudicación respectarase a orde de preferencia fixada pola persoa solicitante e esta non poderá ser modificada unha vez que se realice sorteo.
Na preinscrición presencial, adxudicaráselle directamente a cada solicitude un número para o sorteo.

SORTEO PÚBLICO:
Luns 16 de xaneiro, ás 10.00 h.

ADXUDICACIÓN DE PRAZAS:
As listas dos talleres adxudicados publicaranse o mércores 18 de xaneiro, a partir das 9.00 h, en cada un dos centros, nas distintas webs municipais de Cultura e no servizo telefónico 010.
A partir do número extraído no sorteo, asignaranse as prazas en cada taller. Outorgaráselle ao maior número de persoas, polo menos, un taller. Concederanse un máximo de dous por persoa.

INSCRICIÓN:
Os días 18 e 19 de xaneiro, de 9.00 a 14.00 e de 16.00 a 20.00 h. Para formalizar a inscrición, será necesario aboar en efectivo o importe do taller correspondente.
As prazas adxudicadas só poderán ser ocupadas polas persoas agraciadas no sorteo. As prazas non aboadas durante estes días adxudicaránselles ás persoas en lista de espera.

LISTAS DE ESPERA E PRAZAS VACANTES:
As persoas en listas de espera dun taller terán preferencia en ocupar as prazas non aboadas do devandito taller, que serán adxudicadas por orde do sorteo. Terán preferencia aquelas persoas que non obtiveron ningunha praza.
Os días 23 e 24 de xaneiro, contactaremos vía telefónica só con aquelas persoas que estean nas listas de espera para saber se continúan interesadas en inscribirse nos talleres que solicitaran. Realizaranse tres intentos de contacto a diferentes horas, de non conseguir comunicación pasarase á seguinte persoa da lista de espera. Terán que formalizar a inscrición, pagándoa, os días 25 e 26 de xaneiro.
A partir do 27 de xaneiro e despois deste proceso, o resto das prazas vacantes poderán ser ocupadas polo público en xeral, que deberá inscribirse e aboalas por orde de chegada, nos horarios indicados anteriormente.