Que é iso do feminismo? pregúntase Olga Castro, autora -coa escritora María Reimóndez- do libro Feminismos (Xerais, 2012), con vontade divulgatica, lúdica e desprexuizada. Profesora na universidade británica de Aston, Castro é licenciada en xornalismo e tradución e interpretación, ademais de militante activa das causas do feminismo e a defensa da cultura galega.

Na súa charla, enfocada como un taller co que quere propiciar o debate e a participación das persoas asistentes, intentará debullar os conceptos básicos e desmontar os tópicos socialmente presentes hoxe en día sobre a cuestión da igualdade entre homes e mulleres.

A actividade, que terá lugar o mércores 16 ás 19 horas, enmárcase dentro do ciclo Conversas no Ágora, que a Biblioteca Ágora desenvolve dende a vontade de ofrecerse como espazo para o debate e a difusión de ideas.