Divírtete e aprende con ILUSIOOÓH!N este Nadal
Dende o 01/12/2014 ata o 12/12/2014
Xa rematou
Dende o 01/12/2014 ata o 12/12/2014
35 euros por participante e quenda. Ampliación de horario: 5 euros.
A oferta de actividades que presentamos busca cubrir parte do tempo de lecer do período do Nadal dos nenos e nenas da nosa cidade a través de todo tipo de actividades motrices, producións plásticas, musicais, teatrais, de expresión oral e escrita... tendo como principal obxectivo a relación grupal entre as/os participantes, ademais de dar resposta ás necesidades das familias nestes días de descanso escolar.
DURACIÓN
Días: 22, 23, 26, 29 e 30 de decembro do 2014 e 2, 5 e 7 de xaneiro do 2015.
COTA
35 € por participante e quenda. Ampliación de horario: 5 €.
PARTICIPANTES
Poderán participar os nenos e as nenas nacidos entre 2002 e 2010, agrupados por idades.
A actividade non conta con profesionais de apoio para nenos con necesidades educativas específicas.
INSCRICIÓN/DATAS
A partir do día 1 de decembro mediante inscrición directa por rigorosa orde de chegada ata completar prazas.
* Prazas Fórum Metropolitano - ESGOTADAS
* Horario e lugar prazas dispoñibles: Conserxería do Centro Ágora, de 9.00 a 14.00 e de 16.00 a 20.00 h.
TEMÁTICA
A fusión de distintas disciplinas artísticas como son o teatro, o circo, a maxia… darannos xogo para descubrir e vivenciar propostas que nos permitan desenvolver a expresión e creatividade en todas as súas ramas.
A través das distintas disciplinas artísticas realizaremos creacións plásticas, animacións teatrais, coñeceremos propostas relacionadas co mundo do circo e sobre todo compartiremos estas experiencias cos nosos novos compañeiros e compañeiras de xogos.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible