Nesta charla repasaremos aspectos biográficos do compositor e outros máis específicos sobre a obra para así intentar responder a unha pregunta tan sinxela como crucial: Que quixo expresar Gustav Mahler na súa Quinta Sinfonía?

As obras mestras da historia da música, como é o caso das sinfonías mahlerianas, non só se caracterizan por unha xenial inspiración e por unha enorme complexidade técnica senón tamén porque foron creadas como expresión da voz máis íntima do seu autor. Grazas á música este transmite sentimentos e emocións inexpresables doutra maneira, mesmo mediante artes tan explícitas como a pintura ou a literatura.

Versións de cámara das sinfonías mahlerianas como a que esta noite se interpretará, foron impulsadas por Arnold Schoenberg e o seu círculo precisamente no contexto da procura da esencia destas partituras, e non só como un intento de facilitar a difusión da música sinfónica da súa época.