Non vos perdestes nunca no labirinto dun museo? Chega un momento no que perdes a noción do tempo e do espazo e entras nunha especie de mareo que te atrapa e te hipnotiza. Isto é o que lle pasa a un grupo de amigos.

Cadros de pintores como Leonardo Da Vinci, Egon Schiele, Antonello da Messina, Arcimboldo, Georg Baselitz, Malevich, Goya ou Joan Miró provocan situacións límite a estes cinco protagonistas.

O espectáculo revólvese na arte cunha mirada sen complexos, xestual, emocional e irreverente... a mirada do circo. A pintura queda en perigosas mans: a duns artistas, os artistas de circo, con disciplinas como a acrobacia, os equilibrios sobre obxectos, a corda lisa, a roda Cyr e os equilibrios man a man...

AAART! é un espectáculo precioso, fráxil e con moitas capas de lectura ideal para todos os públicos.

VENDA DE ENTRADAS:

• Despacho Central Praza de Ourense: de luns a venres (excepto festivos) de 9.30 a 13 e de 16.30 a 19.30 h.
• Centro Sociocultural A Fundación Coruña: de luns a sábado (incluídos festivos) de 9 a 21 h.
• Despacho do Teatro Rosalía: só días de función, de 12 a 14 e de 18 a 20 h.
• Televenda: 902 504 500 (de 8 a 22 h de luns a sábado) e www.servinova.com